Gjatë prezantimit të Raportit Vjetor, z. Havolli ka vënë në pah të arriturat e Agjencisë, prioritetet e saj, por dhe sfidat me të cilat po përballen drejt ndërtimit të një mekanizmi efikas në luftimin e korrupsionit.
Drejtori Havolli me këtë rast ka falënderuar Zyrën e Bashkimit Europian në Kosovë, Këshillin e Europës dhe Programin e Kombeve të Bashkuara për Zhvillim (UNDP), Ministrinë e Drejtësisë, korpusin diplomatik, si dhe institucionet vendore për mbështetjen teknike, profesionale dhe financiare në forcimin e mekanizmit institucional në luftën kundër korrupsionit.
Raporti Vjetor 2016 i Agjencisë Kundër Korrupsionit sot në mëngjes zyrtarisht i është dorëzuar administratës së Kuvendit të Kosovës për procedim të mëtejmë.
Raporti është i qasshëm në ueb faqen zyrtare të Agjencisë Kundër Korrupsionit http://www.akk-ks.org/repository/docs/Raporti_Vjetor_2016_versioni_final_shqip_357213.pdf