PRISHTINË, 22 janar 2008 - Drejtori i Agjencisë Kosovare Kundër Korrupsionit z Hasan Preteni u pajtua të martën që institucioni që ai drejton të bëhet pjesë e një projekti ndër-rajonal të UNDP-së për krijimin e një strategjie anti- korrupsion ku do të përfshihen disa vende ballkanike.
Gjatë takimit që pati me menaxheren e projektit Slagjana Taseva nga Shkupi z..Preteni përshëndeti iniciativën e UNDP-së për hartimin e kësaj strategjie, ku do të përfshihen disa vende ballkanike si Maqedonia, Shqipëria, Kosova, Mali i Zi, Serbia dhe Bosnja dhe Hercegovina.
“Kjo iniciativë e UNDP-së është inkurajuese pasi që nxitë vendet ballkanike ti bashkojnë idetë, dhe shkëmbejnë përvojat e tyre në të mirë të krijimit të strategjive të përbashkëta anti-korrupsion. Ne do të jemi pjesë e kësaj iniciative dhe seriozisht do të angazhohemi që korrupsioni si fenomen shkatërrues i shoqërisë të mos zë vend as në Kosovë dhe në asnjërin nga vendet që na rrethojnë”;, tha Preteni.
Pas bisedave fillestare që UNDP do ti zhvilloi me institucionet relevante anti-korrupsion më 11 shkurtë në Shkup të Maqedonisë do të mblidhen të gjithë përfaqësuesit e këtyre vendeve për ti vënë hapat e parë të hartimit të strategjisë ndër-rajonale për luftën kundër korrupsionit.
Për më shumë informata ju lutem kontaktoni zyrën për informim:
Tel: 038/ 248 – 564 Ose vizitoni ueb faqen www.akk-ks.org
