Prishtinë 10 tetor 2012 - Agjencia kundër korrupsionit përmes një opinioni ka kërkuar nga Komuna e Mitrovicës si Autoritet Kontraktues që ti ndërmerr të gjitha masat e nevojshme drejtë evitimit të shkeljeve të evidentuara në Tenderin - “ Krijimi I Kadastrit të Posaçëm dhe Objekteve nëntokësore” në mënyrë që të respektohen dispozitat e Ligjit të Prokurimit Publik.
Gjatë monitorimit të procedurave dhe procesit të tenderit në fjalë AKK ka vërejtur disa lëshime që kanë ndodhur përshkrimin e kritereve dhe specifikave të tij.
Agjencia ka vërejtur se në kriteret dhe specifikat e tenderit në fjalë janë përsëritur (dyfishuar) kërkesat e njëjta çka besohet se janë në kundërshtim me dispozitat e Ligjit të Prokurimit Publik, andaj kërkon nga Komuna e Mitrovicës që këto lëshime të evidentohet në mënyrë që të ketë një proces profesional, transparent dhe të barabartë për të gjithë ofertuesit.
