Agjencia Kundër Korrupsionit, në kuadër të obligime ligjore të përcaktuara me Ligjin për Parandalimin e Konfliktit të Interesit në Ushtrimin e Funksionit Publik, në koordinim me Autoritetet Përgjegjëse, dhe me ndihmën e projektit PECK II – Projekti Kundër Krimit të Organizuar në Kosovë – i Bashkimit Evropian dhe Këshillit të Evropës, ka realizuar punëtorinë me përfaqësuesit e komunave: Suharekë, Malishevë, Dragash, Klinë, Pejë, Deçan dhe Mamushë.
Punëtoria u realizuara me qëllim të njoftimit të Zyrtarëve Përgjegjës të komunave dhe ndërmarrjeve publike lokale – si Autoritete Përgjegjëse – lidhur me: rolin e Agjencisë Kundër Korrupsionit dhe rolin e Autoriteteve Përgjegjëse në zbatim të Ligjit për Parandalimin e Konfliktit të Interesit në Ushtrimin e Funksionit Publik..
Nëpërmjet forumeve të diskutimit me zyrtarët e institucioneve publike, lidhur me Ligjin për Parandalimin e Konfliktit të Interesit në Ushtrimin e Funksionit Publik, Agjencia Kundër Korrupsionit ka për qëllim forcimin e integritetit të sektorit publik dhe garantimin ushtrimit të detyrave publike në mënyrë objektive, të paanshme dhe transparente.