Yll Buleshkaj: Bashkëpunimi i AKK-së me ZKA-në është me rëndësi dhe i nevojshëm, veçanërisht për rritjen e llogaridhënies së institucioneve në menaxhimin dhe raportimin e shpenzimeve të parasë publike
28 janar 2022, Prishtinë
Drejtori i Agjencisë kundër Korrupsionit (AKK), z. Yll Buleshkaj priti në Auditoren e Përgjithshme të Zyrës Kombëtare të Auditimit ( ZKA) znj. Vlora Spanca.
Duke i uruar pozitën e Drejtorit të AKK-së, Audiorja e Përgjithshme znj. Spanca shprehi gatishmërinë për të rritur bashkëpunimin me AKK-në në komunikimin e rregullt për të trajtuar çështje me interes publik të dyja institucioneve.
Drejtori i AKK-së, z. Yll Buleshkaj tha bashkëpunimi i AKK-së me ZKA-në është me rëndësi dhe i nevojshëm, veçanërisht për rritjen e llogaridhënies të institucioneve në menaxhimin dhe raportimin e shpenzimeve të parasë publike.
Në takimin e përbashkët, dy udhëheqësit e dy institucioneve të pavarura Kosovës u diskuan edhe për përgjegjësitë e ndërsjella dhe vendosjen e komunikimit të vazhdueshëm mes Agjencisë kundër Korrupsionit dhe Zyrës Kombëtarë të Auditimit, me theks të veçantë trajtimin e rekomandimeve në raporteve të ZKA-së, gjatë procesit të auditimit të institucioneve publike.
