11, 12 dhjetor 2018 - Në kuadër të aktiviteteve në shënim të Javës Kundër Korrupsionit, Agjencia Kundër Korrupsionit ka ‘hapur dyert’ për nxënës të shkollave fillore të mesme.
Përgjatë dy ditëve Agjencinë e kanë vizituar rreth 100 nxënës të cilët kanë pasur mundësi që nga afër të njihen me ambientet dhe personelin e Agjencisë, punën që bën Agjencia, misioni dhe përgjegjësitë e saj në parandalimin dhe luftimin e korrupsionit.
Gjithashtu, vizitorëve u është ofruar një takim e shkurtër interaktiv me karakter vetëdijesues mbi trajtat e korrupsionit dhe identifikimin e tyre në ambientin ku jetojnë, format e parandalimit dhe luftimit të korrupsionit, ndëshkimet për ata që krijojnë pasuri të paligjshme përmes korrupsionit, veprimet që duhet ndërmarrë për ndërtimin e integritet të tyre, etj.
“Dyert e hapura” është një aktivitet që ka për synim edukimin dhe vetëdijesimin e qytetarëve për rreziqet që sjellë korrupsioni si dhe nxitjen e bashkëpunimit të qytetarëve me Agjencinë Kundër Korrupsionit me qëllim të forcimit të partneritetit në parandalimin dhe luftimin e korrupsionit.
