Prishtinë, 15 Nëntor 2016 - Drejtori i Agjencisë kundër Korrupsionit z. Shaip Havolli priti sot në takimin e parë njoftues, zëvendësambasadoren e Ambasadës gjermane në Kosovë znj. Christina Gehlzen, me të cilën bisedojë rreth çështjeve të thellimit të bashkëpunimin në mes dy institucioneve.
Z. Havolli gjatë takimit e njoftojë diplomaten gjermane me prioritetet e Agjencisë dhe sfidat me të cilat po përballet në zhvillimin e politikave anti- korrupsion. Ai shprehu zotimin e tij se do të angazhohet skajshmërisht në avancimin e politikave kundër korrupsionit që sigurojnë besueshmëri dhe qëndrueshmëri institucionale.
Nga ana e saj, zv.ambasadorja Gehlzen duke uruar z. Havolli për detyrën e re, shprehu interesimin e saj për fuqizimin e bashkëpunimit dhe gatishmërinë për përkrahje Agjencisë, në realizimin me sukses të mandatit të saj.
Diplomatja gjermane dhe drejtori i AKK-së u dakorduan për rendësin e avancimit të frymës së bashkëpunimit mes Ambasadës gjermane dhe AKK-së.
